2010-cu ilin aprelində təsis edildiyi gündən indiyədək Lei Jun Xiaomi şirkətinin baş direktoru vəzifəsində çalışıb. Ancaq görünür ki, smartfonlar, proqram təminatı və qadcetlər onun üçün artıq maraqlı deyil, çünki o, diqqətini yeni istiqamətə yönəltmək və şirkət rəhbəri vəzifəsindən imtina etmək qərarına gəlib.
Lei Jun peşəsini dəyişmək niyyətini Weibo sosial şəbəkəsindəki hesabında açıqlayıb. O, özünü tamamilə Xiaomi-nin avtomobil istiqamətinə həsr etmək niyyətindədir.
«Xiaomi SU7, ölkə daxilində tam miqyaslı yol sınaqlarından keçir və hazırda istifadəyə verilməsi üçün son hazırlıqlar üzərində intensiv işləyirik. Avtomobil biznesinə daha çox diqqət yetirməyimə imkan vermək üçün şirkət qrup prezidenti Lu Veybinqin Xiaomi brendinin baş meneceri vəzifəsini də icra edəcəyinə qərar verdi və o, həm də gələcək Xiaomi smartfonlarının təqdimatlarında əsas məruzəçi olacaq.
Eyni zamanda, əmin olun ki, mobil telefon biznesi Xiaomi üçün həmişə prioritet olaraq qalacaq və mən buna kifayət qədər enerji sərf etməyə davam edəcəyəm. Dəstəyiniz üçün təşəkkür edirəm!», — deyə vurğulayıb.
Lu Weibing indi Xiaomi brendinə rəhbərlik etdiyi üçün onun yerinə Redmi brendinin yeni rəhbəri Wang Teng seçildi.
Beləliklə, şirkət hələ heç bir tarix açıqlanmasa da, debüt elektrik avtomobilinin tezliklə buraxılacağını təsdiqlədi və qarşıdan gələn flaqman smartfon Xiaomi 14 Ultra-nı elan etdi.
Bizi Telegram kanalımızdan da izləyə bilərsiniz. https://t.me/infocity_az
