AnTuTu bençmarkının tərtibatçıları 2024-cü ilin yanvar ayının nəticələrinə əsasən smartfonların “məşhur” reytinqini yeniləyiblər. Bu, sintetik testlərdə balların sayı ilə əlaqəli deyil, yalnız Android cihaz sahiblərinin müsbət rəylərini nəzərə alır.
Siyahıda birinci yeri OPPO Find X7 Ultra cihazı tutub — mənbənin məlumatına görə, istifadəçilərin 96,36%-i onun performansından razıdır. İkinci yerdə 95,75% balla Samsung Galaxy S23 Ultra qərarlaşıb, üçüncü yerdə isə 95,54% müsbət rəy alan iQOO 12 Pro-dur.
Siyahıda növbəti yerlərdı bu smartfonlar gəlir: Meizu 20 Pro (93,43%), iQOO 12 (93,38%), Galaxy S23 (93,08%), Nubia Z60 Ultra (92,9%), vivo X90 Pro+ (92,7% ), Nubia Red Magic 9 Pro+ (92,35%) və Honor X40 GT (91,93%). Maraqlıdır ki, reytinq çinli istifadəçilərin rəyləri əsasında hesablansa da, siyahıya Xiaomi, Redmi və ya POCO brendlərindən heç bir model daxil edilməyib.
Bizi Telegram kanalımızdan da izləyə bilərsiniz. https://t.me/infocity_az
