Söz-söhbətlərə görə, Xiaomi yeni bir kamerofon təqdim etməyə hazırlaşır. Amma bu dəfə söhbət xırda sensorların «səpələndiyi» növbəti multikamerdən getmir: şəbəkə mənbələrinin verdiyi məlumata görə, şirkətin yeni məhsulu daha çox rəqəmsal fotoapata bənzəyəcək.
Bir çox dəqiq proqnozları ilə tanınan Digital Chat Station ləqəbli insayder tərəfindən cihazın eskizi dərc edilib. Şəkilə əsasən, smartfon bir böyük sensorla təchiz olunacaq. Dəyişən fokus uzunluğuna malik obyektivin olması da bildirilir, lakin mənbə heç bir dəqiq rəqəm vermir.
Mənbənin fikrincə, Xiaomi göstərmək istəyir ki, müasir qadceti bir neçə miniatür yox, bir «şəkil sensoru» ilə təchiz etmək kifayətdir.
Bizi Telegram kanalımızdan da izləyə bilərsiniz. https://t.me/infocity_az
