Ice Universe adlı insayderin məlumatına görə, Galaxy S24 flaqman modellərinin bəzi sahibləri cihazlarını kiliddən aça bilmədikdən sonra, Samsung şirkəti One UI 7 yeniləməsini dayandırıb.
Samsung problemi təsdiqləyib və 24 saat ərzində problemin aradan qaldırılacağına söz verib. Android Authority nəşrinin məlumatına əsasən, yeniləmə təkcə Galaxy S24 üçün deyil, bütün Galaxy seriyası üçün — həm Snapdragon, həm də Exynos prosessorlu modellər üçün təxirə salınıb.
Android 15 əsaslı One UI 7-nin çıxışı bu il ciddi şəkildə gecikib. Bu arada Android 16-nın təqdimatına isə cəmi beş həftə qalıb.
