“Digitimes” sənaye mənbələrinə istinadən xəbər verib ki, bir çox Çin yarımkeçirici istehsalçıları mallarının qiymətində artımlar elan ediblər. Səbəb sadədir — elektronikanın istehsalında istifadə olunan qiymətli metallar bahalaşıb.
Ən çox zərər çəkən mis oldu: 2020-ci ildə onun hər tonu təxminən 5000 dollara başa gəlib, bu il isə artıq 8300 dollardır. ICM və Microelectronics şirkətləri müştərilərinə məlumat məktubları göndərərək, onlara bütün məhsullar üçün 10-20% qiymət artımı barədə məlumat verdilər. Və bu, analitiklərin fikrincə, yalnız başlanğıcdır.
Bundan əlavə, yaxın gələcəkdə HaloChip, Chiplink, TG-Star Electronics Technology, Sanliansheng və Kangqiang Electronics şirkətlərindən də oxşar elanlar gözlənilir.
Zamanla qiymət artımları alıcıya da çatacaq. Tərkibində qiymətli metallar olan elektron komponentlər hər yerdə istifadə olunur: yaddaş kartlarından tutmuş yüksək performanslı fərdi kompüterlərə, induksiya sobalarına və elektrik avtomobillərinə qədərTSMC artıq bildirib ki, bəzi yarımkeçirici təchizatçıların çiplərinin olmaması onun istehsal planlarına da təsir edə bilər.
