spot_img
6 апреля, 2026
Домой Блог Страница 60

Yeni yaddaş çiplərinin 70%-ə qədəri birbaşa data mərkəzlərinə yönələcək

Süni intellektin sürətli inkişafı elektronika sənayesində zəncirvari reaksiyaya səbəb olur. The Wall Street Journal-ın məlumatına görə, 2026-cı ildə dünyada istehsal ediləcək bütün yaddaş çiplərinin 70%-ə qədəri data mərkəzləri tərəfindən istehlak olunacaq.

Hazırda diqqət əsasən serverlərə yönəlsə də, prosesin nəticələri getdikcə hesablama mərkəzlərindən uzaq sahələrdə daha aydın hiss olunmağa başlayır. İstehsalçılar köhnə nəsil yaddaş çiplərinin buraxılışını tədricən azaldır — baxmayaraq ki, məhz bu komponentlər avtomobillərdə və məişət texnikasında geniş istifadə olunur.

Counterpoint Research ekspertlərinin bildirdiyinə görə, istehsal gücləri artıq illər öncədən satılıb. Nəticədə avtomobil və televizor istehsalçıları belə təcili şəkildə kvota əldə etməyə çalışır, əks halda istehsal xətlərinin dayanması riski ilə üz-üzə qala bilərlər.

IDC analitikləri 2026-cı ildə smartfon satışlarının 5%, fərdi kompüterlərin isə 9% azalacağını proqnozlaşdırır. Mütəxəssislər bu prosesi resursların davamlı şəkildə İİ-nin xeyrinə yenidən bölüşdürülməsi kimi qiymətləndirir. Bu səbəbdən yaddaş komponentləri yaxın gələcəkdə məişət texnikasının qiymətinin 10%-nə, smartfonların isə 30%-nə qədərini təşkil edə bilər.

Xiaomi Tag trekeri beynəlxalq bazara çıxmağa hazırlaşır

Məşhur insayder Kasper Skşipek HyperOS-un sistem fayllarında Xiaomi Tag trekerinə dair qeydlər aşkar etdiyini bildirib. Onun sözlərinə görə, yeni aksessuar əvvəlcə Çində satışa çıxarılacaq, daha sonra isə qlobal bazarda təqdim olunacaq. Bu strategiya Xiaomi üçün tamamilə adi haldır — şirkət yeni məhsulları ənənəvi olaraq əvvəl daxili bazarda sınaqdan keçirir.

Məlumata görə, Xiaomi Tag funksional baxımdan Samsung Galaxy SmartTag 2-yə bənzəyəcək və iki fərqli versiyada satışa çıxarılacaq. Modellərdən biri UWB (ultra-genişzolaqlı əlaqə) texnologiyasını dəstəkləyəcək və yaxın məsafədə obyektin yerini daha dəqiq müəyyən etməyə imkan verəcək. Digər versiya isə yalnız Bluetooth üzərindən çalışacaq. Hər iki variantın CR2032 batareyası ilə işləyəcəyi bildirilir.

İnsayder həmçinin cihazın mümkün dizaynını göstərən render də paylaşıb. Render texniki detalları tam açıqlamasa da, Xiaomi-nin bu trekerdə də sadə, minimal və praktik dizayn xəttinə sadiq qaldığını göstərir.

HyperOS kodlarında tapılan məlumatlar Xiaomi Tag-in istifadəsinin olduqca rahat olacağını göstərir. İstifadəçi qoruyucu korpusu çıxarıb trekeri smartfona yaxınlaşdırmaqla cihazı avtomatik sinxronlaşdıra biləcək. Bundan sonra obyektin xəritə üzərindən izlənməsi, itki barədə bildirişlərin alınması və təhlükəsizlik funksiyalarından istifadə mümkün olacaq.

İnsanabənzər robotlar Airbus təyyarələrini yığmağa başlayacaq

Çinin UBTech şirkəti insanabənzər robotların inkişafında növbəti ciddi mərhələyə qədəm qoyur. Elektronika sahəsində uğurlu sınaqlardan sonra humanoid robotlar indi sənayenin ən mürəkkəb istiqamətlərindən birinə — təyyarə istehsalına daxil olur.

UBTech şirkəti Airbus ilə strateji tərəfdaşlıq elan edib. Razılaşma çərçivəsində Avropanın iri aviasiya konserni insanabənzər Walker S2 robotunu əldə edib. Şirkətlər birgə şəkildə bu cür robotların aviasiya istehsalat sahələrində necə istifadə oluna biləcəyini araşdıracaqlar.

Airbus ilə bağlanan müqavilə UBTech-in Texas Instruments ilə əməkdaşlığından sonra baş tutub. Hazırda Walker S2 artıq bu şirkətin istehsal xətlərində test olunur. Bu isə UBTech-in beynəlxalq bazarlarda — aviasiya, yarımkeçiricilər, avtomobil sənayesi və istehlakçı elektronikası sahələrində — sürətli ekspansiyasını açıq şəkildə göstərir.

Walker S2 humanoid robotu 2025-ci ilin iyul ayında təqdim edilib. Onun boyu 1,76 metrdir, robot hərəkətli qollar, çevik əllər və ətraf mühiti daha yaxşı qavramağa imkan verən inkişaf etmiş görmə sistemi ilə təchiz olunub. Bu xüsusiyyətlər ona mürəkkəb sənaye mühitlərində daha dəqiq və təhlükəsiz işləməyə şərait yaradır.

WhatsApp qrup çatları üçün faydalı yenilik təqdim edəcək

WhatsApp-da qrup çatları ilə bağlı uzun müddətdir mövcud olan bir problem nəhayət həllini tapır. İndiyə qədər qrupa yeni əlavə olunan iştirakçı əvvəlki yazışmaları görə bilmirdi. Tərtibatçılar bu çatışmazlığı aradan qaldırmaq üçün yeni funksiya üzərində işləyirlər.

WABetaInfo-nun məlumatına görə, iOS üçün WhatsApp 26.2.10.73 beta versiyasında qrupa yeni istifadəçi əlavə edilərkən onunla son mesajları paylaşmaq imkanı ortaya çıxıb. Bununla belə, müəyyən məhdudiyyətlər var: yeni iştirakçı son 14 gün ərzində maksimum 100 mesajı görə biləcək. Mesajların sayı və dövrü istifadəçi əlavə edilən zaman tənzimlənə bilər.

Ekran görüntülərinə əsasən, funksiya olduqca sadə işləyir. Qrupa yeni üzv əlavə edilərkən ayarlarda “Son mesajları paylaş” adlı əlavə seçim görünür. Əgər funksiya aktivdirsə, WhatsApp göndəriləcək mesaj tarixçəsinin həcmini seçməyi təklif edir. Paylaşılan mesajlar fərqli rənglə işarələnəcək ki, yeni istifadəçi köhnə yazışmalarla yeni mesajları asanlıqla ayırd edə bilsin.

Təhlükəsizlik məsələsinə də xüsusi diqqət yetirilib. Qrupda sistem mesajı görünəcək və orada çat tarixçəsini kimin paylaşdığı göstəriləcək. Mesajlar birbaşa istifadəçinin cihazından ötürülür və uçdan-uca şifrələmə qorunub saxlanılır.

Volvo EX60 brendin ən ağıllı elektrik avtomobili oldu

Volvo yeni elektrik krossoveri EX60 modelinin dizaynını və texniki xüsusiyyətlərini rəsmi şəkildə təqdim edib. Yeni model EX40 və EX90 arasında mövqe tutur və son illərdə markanın ən texnoloji avtomobillərindən biri hesab olunur.

Volvo EX60 brend tarixində ən sürətli şarj olunan və ən uzun məsafə qət edən elektromobil kimi təqdim edilir. 800 voltluq, 400 kVt gücündə sürətli şarj stansiyasında avtomobil cəmi 10 dəqiqəyə 173 mil (təxminən 278 km) məsafə üçün enerji toplaya bilir. ABŞ bazarında EX60, Volvo modelləri arasında standart olaraq NACS portu ilə təchiz edilən ilk avtomobil olacaq.

Model üç versiyada təqdim olunur:

  • P6 RWD — 83 kVt·saat batareya və 500 km-ə qədər yürüş,

  • P10 AWD — 95 kVt·saat və 515 km,

  • P12 AWD — 117 kVt·saat və 644 km yürüş ehtiyatı.

Bütün versiyalar batareyanı 10%-dən 80%-ə 20 dəqiqədən az müddətdə doldura bilir. Volvo batareyaya 10 illik zəmanət də verir. Ən güclü P12 versiyası 0-dan 100 km/s sürətə 3,8 saniyəyə, P6 isə 5,7 saniyəyə çatır.

EX60 NVIDIA Drive AGX Orin platforması və Qualcomm 8255 prosessoru ilə təchiz olunub. Avtomobilə inteqrasiya edilən Google Gemini əsaslı çat-bot sayəsində Volvo bu modeli indiyə qədər istehsal etdiyi ən ağıllı avtomobil adlandırır.

Bundan əlavə, EX60 Cross Country versiyası da təqdim olunub. Bu variantda klirens 20 mm artırılıb, təkər tağları genişləndirilib, alt qoruma gücləndirilib və dizayn daha off-road üslubunda hazırlanıb.

EX60 modelinin istehsalına aprel ayında start veriləcək, ilk tədarüklər isə yay aylarında gözlənilir. Volvo-nun açıqlamasına görə, avtomobilin başlanğıc qiyməti təxminən 60 min dollar olacaq.

İlon Mask: Tesla Optimus humanoid robotları 2027-ci ildə hər kəs üçün satışa çıxarılacaq

İlon Mask bəyan edib ki, süni intellekt və robotlar bəşəriyyət tarixində görünməmiş iqtisadi sıçrayış yaradacaq. Tesla rəhbəri eyni zamanda Optimus humanoid robotlarının satış tarixini də açıqlayıb.

“Əgər hər şey plan üzrə getsə, gələn ilin sonuna doğru humanoid robotların adi istifadəçilər üçün satışına başlamağı planlaşdırırıq”, — deyə Mask bildirib.

Onun sözlərinə görə, gələcəkdə robotlar və süni intellekt o qədər geniş yayılacaq ki, insanın demək olar bütün ehtiyaclarını qarşılaya biləcək:

“Biz o qədər çox robot və süni intellekt yaradacağıq ki, onlar faktiki olaraq insan ehtiyaclarını təmin edəcək. Mən proqnozlaşdırıram ki, robotların sayı insanlardan çox olacaq”.

Mask hesab edir ki, robotlar cəmiyyəti köklü şəkildə dəyişəcək, fiziki əməyi əhəmiyyətli dərəcədə azaldacaq və bir mərhələdə robotların robot istehsal etdiyi dövr başlayacaq.

Milyarder əlavə edib ki, Yer üzündə “demək olar hər kəs” yaşlı valideynlərinə və ya uşaqlarına baxmaq üçün robot istərdi:
“Əgər robot tam təhlükəsizdirsə, uşaqlara və ya ev heyvanlarına nəzarət etməsini kim istəməz ki?” — deyə Mask sual verib.

Sonda o vurğulayıb ki, Tesla, SpaceX, xAI və Starlink şirkətlərinin əsas məqsədi “sivilizasiyanın parlaq və böyük gələcəyə sahib olma ehtimalını maksimuma çatdırmaqdır”.

Qeyd edək ki, aparıcı analitik mərkəzlərin və The Economist nəşrinin məlumatlarına görə, süni intellektin sürətli inkişafına baxmayaraq, inkişaf etmiş ölkələrdə iş yerlərinin kütləvi şəkildə azalması müşahidə olunmur və əmək bazarı sabitliyini qoruyur.

The Economist: Süni intellekt iş yerlərini “azaldacaq” proqnozları özünü doğrultmadı

ChatGPT-nin istifadəyə verilməsindən üç il keçməsinə baxmayaraq, inkişaf etmiş ölkələrdə əmək bazarı kütləvi iş ixtisarlarının baş verdiyini göstərmir. 2026-cı ilin yanvar ayına olan məlumata görə, Avropa İttifaqında işsizlik səviyyəsi təxminən 6% təşkil edir ki, bu da tarixi minimumdur və on il əvvəlki göstəricilərdən iki dəfə aşağıdır. Böyük Britaniyada işsizlik 5,1% səviyyəsindədir — bu, 2000-ci illərin əvvəlinə uyğun göstəricidir. ABŞ-da isə bu rəqəm daha da aşağıdır — 4,4%.

Bununla belə, sorğular göstərir ki, narahatlıq hələ də qalmaqdadır: amerikalıların təxminən üçdə biri süni intellektin gələcəkdə onların iş yerlərini əvəz edə biləcəyindən ehtiyat edir.

The Economist tarixi paralellərə diqqət çəkir. 1967-ci ildə Barclays bankı dünyada ilk bankomatı quraşdırdıqda, bank kassiri peşəsinin yox olacağı ilə bağlı proqnozlar səslənmişdi. Lakin sonrakı 30 il ərzində ABŞ banklarında kassirlərin sayı 10% artmışdı.

Oxşar vəziyyət tibb sahəsində də müşahidə olunur. 2016-cı ildə süni intellekt üzrə mütəxəssis Ceffri Hinton açıq şəkildə radioloqların hazırlanmasının dayandırılmasını təklif etmişdi — onun fikrincə, alqoritmlər tibbi görüntülərin analizində insanları üstələyirdi. Ancaq 2026-cı ilə gəldikdə, ABŞ-da radioloqlara olan tələbat rekord səviyyəyə çatıb.

Araşdırmalar isə başqa bir problemi ön plana çıxarır: süni intellektdən əldə edilən faydalar bərabər paylanmır. Elmi məlumatlara görə, yüksək ixtisaslı mütəxəssislər İİ alətlərindən xeyli daha çox faydalanır, az ixtisaslı işçilər isə bu üstünlüklərdən daha az yararlana bilir.

Google Photos «mem» yaradan funksiyanı işə salır

Google şirkəti Google Photos tətbiqi üçün Me Meme adlı yeni funksiyanı elan edib. Süni intellektə əsaslanan bu alət istifadəçilərə mürəkkəb redaktə proqramlarına və ya üçüncü tərəf servislərinə ehtiyac olmadan şəxsi fotolardan memlər yaratmağa imkan verəcək.

Yeni funksiya tətbiqin “Yarat” (Create) bölməsində, “Animasiya” və “Foto → Video” alətlərinin yanında yerləşəcək. «Mem» yaratmaq üçün istifadəçi sadəcə hazır şablonlardan birini və öz fotoarxivindən uyğun şəkli seçir — bundan sonra İİ avtomatik olaraq yekun görüntünü formalaşdırır. Google daha yaxşı nəticə üçün yaxşı işıqlandırılmış, keyfiyyətli fotolardan istifadə etməyi tövsiyə edir.

İlkin mərhələdə Me Meme məhdud sayda populyar «mem» şablonu təqdim edəcək. Şablonların konkret adları və dəqiq sayı hələ açıqlanmır, lakin Google gələcəkdə onların sayının artırılacağını istisna etmir.

Şirkət artıq Me Meme funksiyasının ABŞ-da Google Photos istifadəçiləri arasında mərhələli şəkildə yayımına başlayıb. Funksiyanın qlobal istifadəyə nə vaxt açılacağı isə hələlik məlum deyil.

Google-un İİ-rejimi istifadəçilər barədə “dosye” toplamağa başlayır

Google AI Mode rejiminə Personal Intelligence adlı yeni funksiya əlavə edib. Bu mexanizm axtarışı daha fərdiləşdirilmiş etmək üçün istifadəçinin Gmail poçtundakı məktublar və Google Photos albomlarındakı şəkillər əsasında onun maraqlarını və vərdişlərini analiz edəcək.

Şirkət nümayəndələrinin sözlərinə görə, AI Mode istifadəçinin zövqlərini və planlarını anlamaq üçün Google Photos-da saxlanılan fotoları, eləcə də Gmail-dəki yazışmaları öyrənə biləcək. Bu yanaşma neyroşəbəkəyə verilən sorğuların (promtların) həcmini azaltmağa və daha dəqiq cavablar əldə etməyə imkan verəcək.

Məsələn, səyahət planlaşdırılarkən AI Mode Gmail-dəki otel bronları və Google Photos-da saxlanılan keçmiş səyahət xatirələrini nəzərə ala bilər. Nəticədə istifadəçiyə daha uyğun tövsiyələr təqdim ediləcək: məsələn, albomlarda uşaqlarla çoxlu şəkil varsa, sistem interaktiv muzeylərə baş çəkməyi məsləhət görə bilər.

AI Mode rejimində istifadəçiyə hansı hallarda hansı tətbiqlərdən məlumat götürüldüyü açıq şəkildə göstəriləcək. Personal Intelligence funksiyası aktiv olduqda, daxil edilmiş keçidlər Gmail və Google Photos ikonları ilə işarələnəcək. İstifadəçi cavabı yenidən yaratmaq istəsə, “fərdiləşdirməsiz sınayın” seçimini də aktivləşdirə biləcək.

Google bildirir ki, Personal Intelligence alış-veriş zamanı da faydalı olacaq — sistem əvvəlki seçimləri nəzərə alaraq daha uyğun məhsullar təklif edəcək. Bununla belə, istifadəçilər istədikləri zaman fərdiləşdirməni deaktiv edə bilərlər. Şirkət həmçinin vurğulayır ki, bu məlumatlar İİ modellərinin birbaşa öyrədilməsi üçün istifadə edilmir.

Sony спустя семь лет представила новые модели виниловых проигрывателей

Sony

Компания Sony выпустила новые виниловые проигрыватели — спустя семь лет после предыдущей модели. Новые проигрыватели PS-LX3BT и PS-LX5BT поддерживают проводное подключение (RCA), а также через Bluetooth с поддержкой aptX, aptX-Adaptive и Hi-Res Wireless Audio. Модель PS-LX5BT оснащена съемными кабелями RCA, а в PS-LX3BT отсоединить их нельзя.

Sony

В конструкции моделей предусмотрена прозрачная пылезащитная крышка, поддерживается полностью автоматический запуск и остановка воспроизведения. Есть встроенный переключаемый эквалайзер для выбора между фонокорректором и линейным выходом. Для оцифровки виниловых пластинок имеется USB-выход и трехуровневый переключатель для усиления уровня выходного сигнала.

Sony PS-LX3BT
Sony PS-LX5BT

В модели PS-LX3BT используется магнитоэлектрический звукосниматель с прижимным усилием 3,5 г, а в более дорогой PS-LX5BT задействован высокоточный картридж с прижимным усилием 2 г. Проигрыватели оснащены легким алюминиевым диском с резиновым ковриком для более надежной фиксации пластинок и снижения уровня вибраций. В PS-LX5BT также используются более качественные электронные компоненты для снижения уровня шумов и искажения звука. Проигрыватели работают с пластинками на 7 и 12 дюймов, есть две скорости — на 33⅓ и 45 оборотов в минуту.

Базовая версия проигрывателя PS-LX3BT стоит $400, а премиальная PS-LX5BT — $500. Обе модели поступят в розничную продажу этой весной.

1...596061...3 757Страница 60 из 3 757

О ЖУРНАЛЕ

Журнал зарегистрирован в Министерстве Юстиции Азербайджанской Республики (№2196 - 10.04.2007). Редакция журнала не несет ответственности за содержание рекламных материалов и баннеров. При использовании материалов ссылка на сайт www.infocity.az обязательна.

ISSN 2218-7782
Пишите нам: [email protected]

ПОДПИШИТЕСЬ НА НАС

© 2007-2026 «InfoCity»