Xiaomi özünün Qin brendi altında Qin K25 adlı yeni bir smartfon təqdim edib. Bu model əsasən uşaqlar üçün nəzərdə tutulub, buna həm daxili valideyn nəzarəti, həm də orijinal dizayn (ön və arxa kameralı çıxıntılı korpus) işarə edir.
Qurğunun əsas xüsusiyyəti — yalnız 3,5 düymlük IPS ekran (960×640 piksel) və kompakt ölçüləridir: cəmi 95,5 × 59,4 × 11,5 mm ölçüsündə və 94 qram çəkidədir. Bu parametrlərlə Qin K25 Xiaomi tarixindəki ən kiçik smartfon hesab olunur.
Texniki baxımdan bu, baza səviyyəli bir modeldir. O, MediaTek Helio G81 prosessoru, 4 GB operativ və 64 GB daxili yaddaş, 8 MP əsas kamera və 2150 mA·s tutumlu batareya ilə təchiz olunub (sürətli şarj dəstəklənmir).
Çində satış qiyməti — 799 yuan (təqribən 190 AZN) təşkil edir.
