Realme şirkəti X sosial şəbəkəsindəki rəsmi hesabında realme GT 6-nın dünya bazarına çıxmasına həsr olunmuş tizer dərc edib. Şəkildə istehsalçı təqdimatın dəqiq tarixini göstərib, həmçinin cihazın daxili süni intellekt funksiyalarını xatırladıb.
Realme GT 6-nın realme GT Neo 6-nın rebrendinq edilmiş versiyası kimi qlobal bazarda satışa çıxarılacağı bildirilir. O, həmçinin 1,5K təsvir ölçülü və 120 Hz yeniləmə tezliyinə malik 6,78 düymlük AMOLED ekran, 16 QB əməli yaddaş və 1 TB-a qədər yaddaşa malik Snapdragon 8s Gen 3 prosessoru ilə təchiz olunacaq.
Yeni məhsulda 50 MP Sony IMX882 sensoru olan ikili əsas kamera, 8 MP Sony IMX355 ilə ultra geniş bucaqlı kamera, ön kamerada isə 32 MP təsvir ölçülü Sony IMX615 sensoru olacaq. Realme GT 6 həmçinin 120 Vt şarj dəstəyi ilə 5500 mAh batareyaya sahib olacaq.
Realme GT 6-nın qlobal təqdimatı iyunun 20-nə planlaşdırılır.
