CPH2681 indeksi altında qarşıdan gələn OPPO A seriyası smartfonu bir neçə sertifikatlaşdırıcının məlumat bazasında peyda olub. İnternetə sızan fotolara əsasən, o, iPhone 12-yə çox bənzəyəcək.
Şəkillər etibarlıdırsa, o zaman növbəti OPPO smartfonlarından birinin arxasında iPhone 12-ni xatırladan düzbucaqlı blokda iki kamera olacaq. Fotoda həmçinin düz kənarlar və eyni displey, qulaqlıq portu, şarj konnektoru və dinamik göstərilir.
İlkin məlumata görə, smartfon Full HD+ təsvir ölçüsünə və 120 Hz təzələnmə tezliyinə malik IPS ekran alacaq. Yan tərəfdə quraşdırılmış barmaq izi skaneri də var. Kamera haqqında məlumat Camera FV-5 tətbiqinin verilənlər bazasında peyda olub: əsas modul 27,4 mm EGF, f/2,0 apertura nömrəsi və elektron stabilizasiya, ön kamera isə 27,7 mm və f/2,2 alacaq.
Smarfonun çıxış tarixi hələ açıqlanmayıb.
