Google şirkəti Avropa bazarı üçün yeni Pixel 8a smartfonunun qiymətlərini rəsmi olaraq açıqlayıb. Smartfonun əsas modeli 549 avrodan, 256 GB yaddaşa malik versiyası isə 609 avrodan başlayacaq. Smartfonların keysləri hər biri 35 avroya satılacaq.
Köhnə smartfonları yeni Pixel 8a ilə dəyişmək istəyənlər üçün 150 avro bonus təklif olunur. Bu, əsas modelin qiymətini 399 avroya qədər azaldacaq.
Texniki xüsusiyyətlərə gəlincə, Pixel 8a dörd rəngdə olacaq: qara, bej, yaşıl və mavi. Smartfon Google-dan yeni kamera və süni intellekt funksiyaları, həmçinin parlaq OLED displey alacaq. “Tensor G3” prosessoru sayəsində qurğu artırılmış akkumulyator tutumu, həmçinin yeddi il ərzində “Android” əməliyyat sistemində yeniləmə alacaq.
