Avqustun sonunda WinFuture və insayder Roland Quandt hələ elan olunmamış GoPro Hero 11 Black hərəkət kamerasının renderlərini nümayiş etdirdi. Görünürdü ki, yenilik sələfinin tam surəti olacaq — lakin bu yaxınlarda eyni mənbə cihazın proqram və aparat xüsusiyyətləri haqqında məlumat paylaşıb. Məlum olub ki, onlar arasında fərqlər biraz da olsa var.
Mövcud məlumata görə, GoPro Hero 11-in əsas yeniliyi 27 meqapiksellik yeni kamera sensoru olacaq (Hero10 modeli 23 meqapiksellik sensorla təchiz olunub). Bu modulun dəyişdirilməsi yalnız fotoşəkillərin həllinə təsir edəcək və video qeyd rejimləri dəyişməyəcək: 5.3K @ 60 kadr və 4K @ 120 kadr. HyperSmooth elektron stabilizasiya sistemini daha hərtərəfli dəyişiklər gözləyir — o, 4.0-dan 5.0-a qədər yenilənəcək.
Mənbə cihazın digər dəyişiklikləri barədə məlumat vermir. Əgər digər spesifikasiyalar eyni qalsa, o zaman kamerası 2,27 düymlük əsas və 1,4 düymlük ön displeylərlə təchiz olunacaq. GP2 prosessoru performansa cavabdeh olacaq.
GoPro Hero 11 Black-in sentyabrın ortalarında təxminən 499 dollara satışa çıxarılacağı gözlənilir.
Bizi Telegram kanalımızdan da izləyə bilərsiniz. https://t.me/infocity_az
