Xiaomi Mi 9 flaqmanı yenicə təqdim olunmuşdu ki, artıq Mi 10 haqqında şəbəkəyə xəbərlər yayılıb. Konseptual fotolarda yubiley flaqmanın ekranı bütün ön paneli örtdüyü görünür, forntal kameranın isə ekranın üst mərkəz hissəsinə quraşdırıldığı görünür. Ön kameranın iki moduldan ibarət olacağı deyilir (12 və 8 mp).
Əsas özəllik isə məhz əsas kamera ola bilər, hansı ki, dörd moduldan ibarət olacaq. Bazarda bir çox dörd moduldan ibarət kameralı smartfonlar olsa da, beləsi hələlik yoxdur — 2 ədəd 48 mp və 2 ədə 20 mp kamera.
Xiaomi Mi 10 flaqmanına tək kristallı Qualcomm Snapdragon 865 prosessoru, 8 GB RAM və 128 GB daxili yaddaş (12/256 GB pro versiya da mövcud olacaq) quraşdırılacaq. Ekranın altına barmaq izi skaneri yerləşdiriləcək və simsiz enerji yığma texnologiyası da mövcud olacaq.
Yubiley flaqmanın gələn ilin əvvələrində 550 dollardan başlayaraq satışa çıxarılacağı deyilir.
