Hələ noyabr ayında məlum olmuşdu ki, Huawei Honor V20 7 nanometrlik Kirin 980 prosessoruna malik ən sərfəli smartfon olacaq. Xəbərlər təsdiqləndi və cihaz 435 dollardan satışa çıxarıldı. Müqayisə üçün deyək ki, eyni prosessora malik Honor Magic 2 600 dollar, Mate 20 isə 700 dollara təqdim edilir.
Bəzi ölkələrdə Honor View 20 adı altında satışa çıxarılacaq bu smartfon 6.4 düymlük Full HD+ displey ilə təchiz edilib. Ön paneldə 25 mp kamera üçün kiçik dəlik var. Əsas kamera Sony IMX586 tipli 48 mp qoşa moduldan ibarətdir. Smartfonun 6/128, 8/128, 8/256 GB yaddaşa malik versiyaları var. Batareyanın həcmi 4000 mAh təşkil edir.
