Handy Abovergeich portalı bütün şaiyələrə əsasən iPhone 8 haqqında ətraflı məlumat və screenshot-lar hazırlayıb.
Beləliklə, yeni iPhone 8 16 mpxl. arxa qoşa kamera və 8 mpxl. selfie-kamera ilə təchiz olunacaq. Cihazın korpusu tamamilə şüşədən ibarət olacaq və kənarlar əyilmiş formada olacaq. Smartfonun ön hissəsi tamamilə böyük AMOLEd-displey ilə örtüləcək (5.8 düym).
Maraqlı detallardan biri də göz bəbəyi skaneri olacaq. Bundan başqa, Home düyməsinin barmaq izi skaneri funksiyası da mövcud olacaq. USB Type-C tipli yuva da smartfonda yer alacaq.
Yeni iPhone-u simsiz texnologiya ilə enerji ilə təmin etmək mümkün olacaq. Apple Pencil dəstəklənməsi də gözlənilən yeniliklər arasındadır.
Xatırladaq ki, bütün bu yenilikləri iPhone-un yubiley (10 il) çıxışı ilə əlaqələndirirlər. Lakin, bütün qeyd olunan yeniliklərin və yaxud bir qisminin gerçəkləşməməsi istisna edilmir.
