Dünyanın ən yaxşı brendləri ilə bağlı illik hesabat paylaşan BrandZ, yenə də Apple-i zirvəyə qaldıraraq şirkəti 1,29 trilyon dollar dəyərləndirib. Bu, ötən ildən 28% daha çoxdur.
Analitiklər qeyd edirlər ki, ümumi effektivlik göstəricisinə görə brend top-100-də birinci yeri tutur. Araşdırmalar yalnız maliyyə göstəricilərinə baxmaqla qalmayıb, eyni zamanda 54 bazarda 4,5 milyon istehlakçı ilə müsahibə aparılıb.
Hesabatdan əldə olunan məlumata görə, istehlakçılar Apple-a güvənir və məhsullarını premium hesab edirlər. Rəqəmlərə əsasən, Apple bir anda ən sürətlə inkişaf edən iki sahəni ələ keçirib: lüks və biznes. Birinci sahə il ərzində 45%, ikinci isə 46% artıb. Və istehlakçılarda davamlı tələbat əsasən ən yüksək keyfiyyətli məhsullara yönəlib: Pro seriyasının iPhone-ları və Apple Watch Ultra.
Reytinqin qalan beşliyində aşağıdakı şirkətlər yerləşib: Google (944,1 milyard dollar), Microsoft (884,8 milyard dollar), Amazon (866,1 milyard dollar) və Nvidia (509,4 milyard dollar).
