Google, ABŞ hökumətinin nümayəndələri ilə görüş keçirərək, şirkətin bölünməsi ideyasından imtina etmələrini xahiş edib. Məlumatlı mənbəyə görə, ABŞ-ın Ədalət Nazirliyi şirkətə qarşı iki antimonopoliya məhkəməsi aparır — biri axtarış bazarındakı hökmranlığına, digəri isə reklam texnologiyaları ilə bağlıdır.
Mənbənin verdiyi məlumata görə, görüşdə Google, şirkətin bəzi bölmələrinin satılmasının və ya digər tədbirlərin ABŞ iqtisadiyyatına və milli təhlükəsizliyinə zərər verə biləcəyindən narahatlığını ifadə edib. Google-dan nümayəndə görüşün baş tutduğunu təsdiq edərək, şirkətin nizamlayıcı orqanlarla mütəmadi olaraq əlaqə saxladığını və antimonopoliya işi ilə bağlı müzakirələr apardığını bildirib.
Ədalət Nazirliyi hələlik bu məsələyə dair rəsmi şərh verməyib. Lakin nazirlik, Google-un axtarış biznesinə dair antimonopoliya işi çərçivəsində bir neçə mümkün həll yolu təklif edib. Bunlara Chrome brauzerinin satılması və Apple cihazlarında Google-a default axtarış mühərriki olma müqavilələrinin ləğvi daxildir.
Mümkün tədbirlərlə bağlı məhkəmə dinləmələri aprel ayında başlayacaq, yekun qərar isə avqustda gözlənilir.
