Lenovo şirkəti ThinkPad X1 noutbukları seriyasına həsr olunmuş tizer dərc edib. Artıq mayın 18-də şirkət iki yeni qurğunu — X1 Carbon və X1 Nano-nu nümayiş etdirəcək.
Şayiələrə görə, ThinkPad T14p modeli də eyni tədbirdə görünə bilər, lakin onun adı rəsmi elanda qeyd olunmayıb.
İnsayderlərin fikrincə, Lenovo X1 Carbon 13-cü nəsil Intel Core i5 və Core i7 prosessorları ilə konfiqurasiyalarda təqdim olunacaq. Karbon lif elementləri ilə hazırlanmış noutbukun çəkisi 1,12 kq olacaq. Bundan əlavə, cihazın HDMI, USB Type-A və Type-C portları ilə təchiz olunduğu bildirilir. Modelin digər texniki xüsusiyyətləri və qiyməti məlum deyil.
Bizi Telegram kanalımızdan da izləyə bilərsiniz. https://t.me/infocity_az
