Cari ilin payız aylarında Intel Core i7-10510 U (Comet Lake-U) tipli 10 nanometrlik prosessorlar ilə təchiz edilmiş noutbuklar satışa çıxarılacaq. Lakin, artıq indidən bençmark testlərinə start verilib.
Belə ki, Geekbench testində Comet Lake-U prosessoru Dell XPS 13 7390 noutbuku ilə 5248 bal yığıb, çoxsaylı nüvə ilə bal sayı 17676 olub. Müqayisə üçün qeyd edilir ki, Ryzen 7 3750H prosessoru, hansı ki, Intel Comet Lake-U rəqibi hesab edilir, müvafiq olaraq 3898 və 11396 bal yığıb.
Maraqlıdır ki, Core i7-10510U prosessoru daha öncə Geekbench testində HP noutbuku ilə iştirak etmiş və 4195 / 9188 bal yığmışdı. Görünür ki, həmin zaman yalnız mühəndis nümunəsi sınaqdan keçirilmişdi, indi isə satışa hazır olan məhsul yüksək nəticə göstərdi.
