AnTuTu benchmarkının tərtibatçıları Android flaqmanlarının oktyabr ayı üzrə performans reytinqini dərc ediblər. Yeni siyahıda lider dəyişib, reytinqə daxil olan cihazların 80%-i isə müxtəlif istehsalçıların yeni nəsil prosessorları ilə təchiz olunub.
İlk pilləyə Honor Win2 yüksəlib. Snapdragon 8 Elite Extreme Gen 6 prosessoru ilə çalışan oyun smartfonu orta hesabla 4 958 339 bal toplayıb. Modelin əsas xüsusiyyətlərindən biri smartfonlarda ilk dəfə tətbiq olunan iki ventilyatorlu soyutma sistemidir.
Liderdən cüzi fərqlə geri qalan RedMagic 12 Pro+ ikinci yeri tutub. Snapdragon 8 Elite Extreme Gen 6 çipi ilə təchiz edilən cihazın nəticəsi 4 956 846 bal olub. Onun soyutma sistemi ventilyator və iki qapalı dövrədən ibarət maye kanallarını birləşdirir.
Üçüncü pillədə isə eyni prosessordan istifadə edən iQOO 16 qərarlaşıb. Smartfon 4 865 546 bal toplayıb. Maraqlıdır ki, bu modeldə aktiv soyutma sistemi yoxdur — cihaz yalnız buxar kamerasına əsaslanan passiv soyutma ilə kifayətlənir.
Oktyabr reytinqinə həmçinin Xiaomi 18 Fold, OnePlus 16, Honor Magic9 Pro Max, vivo X500 Pro Max, OPPO Find X10 Pro Max, Honor Win RT2 və iQOO 15 Ultra modelləri daxil olub.
