Apple yaxın aylarda M5 və M5 Pro çiplərlə təchiz olunmuş Mac mini kompüterlərini təqdim etməyə hazırlaşır. Yeni nəsil “minik” xarici dizayn dəyişikliyi almayacaq, lakin performans baxımından bir qədər də güclənəcək. Bu barədə AppleInsider öz mənbələrinə istinadən məlumat yayıb.
M5 Pro prosessorlu Mac mini hələ bir ay əvvəl Apple-ın yeniliklər yol xəritəsində görünmüşdü. Lakin yalnız indi jurnalistlər bazası M5 olan modelin də mövcudluğunu dəqiq təsdiqləyə biliblər.
Yeni Mac mini-lərin təqdimatı çox gözlətməyəcək: Apple onları M5-lə təchiz olunmuş iPad Pro-dan dərhal sonra, cəmi bir neçə ay ərzində bazara çıxaracaq.
