Garmin, Index Sleep Monitor adlı yeni yuxu izləyicisini təqdim edib. Bu cihaz biləkdə saat taxmadan yuxu zamanı bədənin vəziyyətini izləməyə imkan verir — çiyinə taxılır, narahatlıq yaratmır, işıq və vibrasiya vermir, həmçinin 7 günə qədər şarj olunmadan işləyə bilir.
Index Sleep Monitor yuxunun əsas göstəricilərini izləyir:
-
yuxu fazaları,
-
nəfəs alıb-vermə,
-
nəbz,
-
qan oksigeni səviyyəsi,
-
dəri temperaturu.
Bu məlumatlar əsasında cihaz fərdi hesabat və bərpa tövsiyələri təqdim edir. Bundan əlavə, sistem stres səviyyəsini, bədənin enerji ehtiyatını və ürək ritminin dəyişkənliyini də izləyərək yuxunun ümumi sağlamlığa təsirini başa düşməyə kömək edir.
Dərinin temperaturunun izlənməsi həm mühit şərtlərinin yuxuya təsirini anlamağa, həm də xəstəlik əlamətlərini əvvəlcədən aşkar etməyə imkan verir. Cihaz həmçinin qadın sağlamlığı funksiyalarını genişləndirib.
Səhərlər daha rahat oyanmaq üçün cihaz ağıllı zəngli saat funksiyası ilə təchiz edilib — bu funksiya optimal yuxu fazasını seçərək sizi daha enerjili oyadır.
Bütün yuxu məlumatları Garmin Connect tətbiqində aydın və vizual qrafiklər şəklində göstərilir. Index Sleep Monitor artıq Garmin-in rəsmi onlayn mağazasında satışdadır, qiyməti isə 170 dollardır. Məhsul iki ölçüdə təqdim olunur.
