Adobe şirkəti Android smartfonları üçün mobil formatda sürətli və rahat şəkil redaktəsi imkanı verən yeni Photoshop tətbiqini istifadəyə verib.
Hazırda tətbiq beta-test mərhələsində olsa da, istifadəçilərə artıq bir sıra funksiyalar əlçatandır:
-
Photoshop-un əsas alətləri: seçim (selection), laylar (layers) və maskalar ilə işləmək;
-
Tap Select aləti – şəkillərin istənilən hissəsini asanlıqla silmək və redaktə etmək;
-
Süni intellekt funksiyaları, o cümlədən Generative Fill – şəkillərə yeni elementlər əlavə etmək və ya mövcudları dəyişmək;
-
Adobe Stock kitabxanasına pulsuz giriş – layihə üzərində işləmək üçün faydalı vizual materiallar;
-
Object Select və Magic Wand – şəkillərdə obyektləri dəqiq seçmək üçün alətlər;
-
Remove və Clone Stamp – şəkilləri təmizləmək və redaktə etmək üçün imkanlar.
Məlumata görə, beta mərhələsi tamamlandıqdan sonra tətbiqin premium funksiyalarından istifadə etmək üçün ödənişli Photoshop Mobile & Web abunəliyi tələb olunacaq. Hazırda abunə qiyməti açıqlanmayıb.
Adobe Photoshop for Android tətbiqini artıq buradan yükləmək mümkündür.
