Nubia şirkəti Red Magic 10S Pro və Pro+ modellərini təqdim edib. Bu smartfonlar təkcə güclü oyun performansı ilə deyil, həm də Windows əməliyyat sistemini emulyasiya edə bilmə qabiliyyəti ilə fərqlənir.
Bundan əlavə, Red Magic 10S modelləri Steam və Epic Games Store platformalarından oyunların quraşdırılmasını və birbaşa işə salınmasını dəstəkləyir.
Cihazlarda xüsusi sürətlə işləyən Snapdragon 8 Elite Leading Edition prosessorları quraşdırılıb. Nubia-nın rəsmi məlumatlarına görə, bu prosessorlar köhnə AAA səviyyəli oyunları yüksək FPS ilə işə salmaq imkanına malikdir.
Hazırda hansı Windows oyunlarının problemsiz işləyəcəyi məlum deyil, çünki ARM platformasında x86 proqramlarını işlətmək üçün xüsusi drayverlər tələb olunur. Buna görə də, bütün oyunları dəstəkləməsi mümkün deyil.
Qeyd edək ki, bu sahədə Nubia ilk deyil. Xiaomi öz WinPlay adlı layihəsi üzərində işləyir, digər Android istifadəçiləri isə Winlator adlı tətbiqdən istifadə edə bilirlər. Amma Winlator-da hər oyun üçün ayrıca tənzimləmə və vaxt tələb olunur.
Texniki xüsusiyyətlər:
Red Magic 10S seriyası əsasən oyunçular üçün nəzərdə tutulub və aşağıdakı əsas göstəricilərlə gəlir:
-
6.85 düymlük OLED ekran, 1.5K çözünürlük və 144 Hz yeniləmə tezliyi;
-
İki əsas kamera: 50 MP-lik genişbucaqlı və ultra-geniş obyektiv, ön kamera isə ekran altına yerləşdirilib;
-
Daxili aktiv soyutma sistemi, 3.5 mm qulaqlıq girişi və kənarda yerləşən iki toxunma sensorlu tetik düyməsi.
Modellər arasındakı fərqlər:
-
Red Magic 10S Pro: 7050 mAh batareya və 80W sürətli şarj;
-
Red Magic 10S Pro+: 7500 mAh batareya və daha güclü – 120W şarj dəstəyi.
Yaddaş konfiqurasiyaları:
-
Red Magic 10S Pro: 12/256 GB və 16/512 GB;
-
Red Magic 10S Pro+: 16/256 GB, 16/512 GB və 24 GB RAM / 1 TB yaddaşlı versiya mövcuddur.
Qiymətlər:
-
10S Pro: təxminən 5000–5800 yuan;
-
10S Pro+: təxminən 6000–7500 yuan.
Bu modellərin qlobal bazara çıxıb-çıxmayacağı hələ ki, məlum deyil.
