Pixel 9a ekranı ilə heyrətləndirdi – DxOMark onu dünyanın ən yaxşılarından biri hesab edir. DxOMark mütəxəssisləri Google-un yeni ucuz smartfonu olan Pixel 9a-nın kamerasını yüksək qiymətləndirdı. Amma dərhal sonra cihazın ekranı şirkətə daha da böyük təəssürat yaradıb.
DxOMark ekran testlərinin nəticələrinə əsasən, Pixel 9a 155 bal toplayıb və bu nəticə onu ümumi reytinqdə səkkizinci yerə, eyni balı toplayan modelləri bir yerdə saysaq – beşinci yerə çıxarıb.
Pixel 9a yalnız daha bahalı Pixel 9 modellərindən, Galaxy S25 seriyasından və Honor Magic6 Pro-dan qeri qalır. Müqayisə üçün qeyd edək ki, iPhone 16 Pro modelləri testlərdə 150 bal toplayıb.
Pixel 9a smartfonu 6,3 düymlük Full HD+ OLED ekranla təchiz olunub və eyni anda 120 Hz yenilənmə tezliyini dəstəkləyir. Baxmayaraq ki, ekranın kənar çərçivələri bir qədər enlidir, DxOMark onu bu xüsusiyyətlərə görə yüksək qiymətləndirib:
-
Rənglərin dəqiq ötürülməsi
-
HDR10 dəstəyinin yüksək səviyyədə işləməsi
-
Sensor qatının sürətli və dəqiq cavabı
-
Müxtəlif işıqlandırma şəraitlərində yaxşı performans
Testlərdə maksimum parlaqlıq 1475 nit, minimum isə cəmi 6 nit olaraq ölçülüb — bu isə ekranın həm günəş altında, həm də qaranlıqda rahat istifadə olunmasını təmin edir.
