Qarşıdan gələn Samsung Galaxy S25 seriyalı smartfonlar haqqında şayiələr yeni məlumatlar ilə tamamlandı. Tanınmış insayder, Galaxy S25 Ultra modelinin iPhone 16 Pro Max-dakı rəqibini necə üstələyəcəyini açıq şəkildə göstərdi.
Ice Universe-ə görə, Galaxy S25 Ultra-nın ilk üstünlüyü displeyin ətrafındakı çərçivələrin minimum eni olacaq: onlar Apple flaqmanınınkindən 0,2 mm daha nazik olacaqlar. Eyni zamanda, hər iki smartfonun ekranlarının diaqonalı eynidir (6,9 düym).
İnsayder cihazların əsas kamera linzalarının qalınlığında fərqi də qeyd edib. Onun sözlərinə görə, Galaxy S25 Ultra-da onlar cəmi 2,4 mm çıxır, iPhone16 Pro Max-da isə kamera blokunun çıxıntısı daha böyükdür — 4,3 mm-ə bərabərdir.
Xatırladaq ki, əvvəlki söz-söhbətlər Galaxy S25 Ultra-nın yuvarlaq küncləri olan korpusa, Snapdragon 8 Gen 4 çipinə, 16 GB-a qədər operativ yaddaşa və xüsusi One UI 7.1 ilə olan Android 15-ə aid edilirdi. Samsung Galaxy S25 seriyalı smartfonların təqdimatının dəqiq tarixi hələ açıqlanmayıb.
