Apple iPhone və iPad-də iOS 17 və iPadOS 17 əməliyyat sistemlərinin yayılması ilə bağlı yeni məlumatları dərc edib. Məlum oldu ki, əməliyyat sisteminin əvvəlki versiyasında olduğu kimi işlər sürətlə getmir.
Amerika şirkətinin məlumatları belədir:
- Bütün iPhone-ların 77%-i iOS 17-ə yenilənib;
- Bütün iPad-lərin 68%-i iPadOS 17-ə yenilənib;
- Son dörd ildə buraxılan bütün iPhone-ların 86%-i iOS 17-ə yenilənib;
- Son dörd ildə təqdim edilən bütün iPad-lərin 77%-i iPadOS 17-ə yenilənib.
Müqayisə üçün qeyd edək ki, ötən il mayın 30-na olan məlumata görə, smartfonların 81%-i iOS 16-ya yenilənibsə, bu il bu göstərici 77%-dir. Bu, iOS 17-nin əvvəlki versiya ilə müqayisədə daha az aktiv şəkildə quraşdırıldığını göstərir.
