AnTuTu tərtibatçıları smartfon istifadəçilərinin cihazlarından məmnunluqlarının yeni (2024-cü ilin yanvar ayı üçün) reytinqini dərc ediblər. İlk 10-luğa əsas kamera sistemində iki periskop modulu olan dünyanın ilk flaqmanı – Oppo Find X7 Ultra başçılıq edir. İstifadəçilərin 96,36%-i cihazdan razıdır.
İkinci yerdə Samsung Galaxy S23 Ultra (məmnuniyyət reytinqi -95,75%), üçüncü yerdə isə iQOO 12 Pro (95,54%) qərarlaşıb.
Maraqlıdır ki, on model arasında bir dənə də Xiaomi, Redmi və ya Huawei smartfonu yox idi, baxmayaraq ki, həm Xiaomi 14, həm də Mate 60 Çində satış rekordları qırır.
