Alimlər qrupu müxtəlif sahələrdə, o cümlədən qadcetlərin istehsalında faydalı ola biləcək şəffaf ağac istehsal edib. Qeyd edilir ki, yeni material pleksiglasdan bir neçə dəfə möhkəmdir.
Mütəxəssislər ağacdan liqnin adlı maddə çıxarıblar. Bu, suyu və qida maddələrini daşıyan və bitkiyə qəhvəyi rəng verən boru hüceyrələrini birləşdirən yapışqan bir maddədir. Bundan sonra alimlər onu epoksi qatranı ilə doldurublar. Nəticədə möhtəşəm xüsusiyyətlərə malik şəffaf material alındı. Məlum oldu ki, bir millimetr qalınlığında olan şəffaf taxta təbəqələr işığın 80% -dən 90% -ə qədərini ötürür və möhkəmlik testlərində onlar pleksiglasdan 3 dəfə və adi şüşədən 10 dəfə daha möhkəm olduğu ortaya çıxdı.
Lakin məlum olur ki, şəffaf ağac hələ şüşə qədər ekoloji cəhətdən təmiz deyil, çünki epoksi qatranı neftdən əldə edilən plastik məhsuldur. Komanda indi sitrus məhsullarından istifadə edərək yeni materialın tərkibini daha ekoloji cəhətdən təmiz etmək üçün çalışır. Gələcəkdə ondan smartfonlar üçün ekranlar, smart pəncərələr və digər qurğular istehsal etməyi planlaşdırırlar.
Bizi Telegram kanalımızdan da izləyə bilərsiniz. https://t.me/infocity_az
