Şayiələrə görə, Galaxy S24 seriyasının təqdimatı təxminən bir ay sonra baş tutacaq. Artıq cihazlar haqqında çox şey məlumdur — və bu yaxınlarda Koreyanın Hankyung portalı şirkətin gələcək flaqmanının hər üç versiyasının gözlənilən qiymətlərini açıqladı.
Mənbənin sözlərinə görə, Samsung hazırkı modellərin satışının başlanğıcı səviyyəsində yeni seriyalardakı bütün cihazların qiymətlərini “donduracaq”. Bu məlumat təsdiqlənərsə, əsas Galaxy S24-ün qiyməti 799 dollardan, Galaxy S24+ 999 dollardan və ən yüksək səviyyəli Galaxy S24 Ultra-nın qiyməti 1199 dollardan başlayacaq. Bunun şirkətə ən azı 33 milyon flaqman seriyalı qadcet təqdim edərək tədarükləri 10% artırmağa kömək edəcəyi gözlənilir.
Jurnalistlər hesab edirlər ki, baza və “plus” modellərin Samsung Exynos 2400 prosessoru ilə təchiz edilməsi seriyanın “iqtisadi rəqabət qabiliyyətini artıracaq” və gələcək flaqmanların əsas xüsusiyyətlərindən biri sistemə inteqrasiya olunmuş Galaxy AI – süni intellekt olacaq. Galaxy S24 smartfon ailəsinin təqdimatı yanvarın 17-də gözlənilir.
Bizi Telegram kanalımızdan da izləyə bilərsiniz. https://t.me/infocity_az
