OnePlus Ace 2 Pro-nun təqdimatından bir həftə əvvəl şirkət smartfonun batareyası, o cümlədən şarj müddəti haqqında təfərrüatları açıqlayıb. Belə ki, akkumulyator 17 dəqiqə ərzində şarjı 100% doldura biləcək, eyni zamanda nisbətən uzun müddət davam edəcək.
OnePlus Ace 2 Pro smartfonu 5000 mAh batareya və 150 Vt şarj ilə təchiz ediləcək. İstehsalçıya görə, bu kombinasiya 17 dəqiqə ərzində 1%-dən 100%-ə qədər sürətli enerji doldurmağı təmin edəcək və batareyanın ömrü dörd il olacaq.
Şirkət həmçinin oyun zamanı enerji doldurma prosesini yaxşılaşdıracaq intellektual texnologiyanın mövcudluğundan da danışıb. Bu, cihazın istiliyini azaltmalıdır, lakin OnePlus texnologiyanın mexanizmini açıqlamadı.
Smartfonun texniki xüsusiyyətləri onun ətraflı təsvirləri ilə birlikdə daha əvvəl artıq şəbəkədə peyda olmuşdu.
Bizi Telegram kanalımızdan da izləyə bilərsiniz. https://t.me/infocity_az
