Google bu yaxınlarda yeni flaqman Google Pixel 7 sırasını təqdim etdi, lakin artıq Pixel 8 haqqında ilk təfərrüatları ortaya çıxır. Shiba və Husky kod adları altında görünən iki modelin artıq hazırlandığı məlumdur. Qurğular yeni platforma ilə təchiz olunacaq — ehtimal ki, bu, Samsung tərəfindən istehsal olunan Google Tensor 3 olacaq. Eləcə də cihaz Android 14 «Upside Down Cake» ilə işləyəcək.
Google Tensor 3-ün Google Tensor 2-də olduğu kimi Samsung istehsalı olan G5300 5G modemini istifadə etdiyi məlumdur. Platformada Google-un süni intellekt üçün optimallaşdırmaları olacağı gözlənilir. Platforma ilə birləşdirildikdə, Shiba və Husky (ehtimal ki, Pixel 8 və Pixel 8 Pro) 12 GB-a qədər operativ yaddaşla işləyəcək.
Gənc model 2268 x 1080 piksel, digər model isə 2822 x 1344 piksel təsvir ölçülü displeylə təchiz ediləcək. Yeni modellərin kameraları, akkumulyatorları və digər xüsusiyyətləri haqqında məlumat hələlik mövcud deyil. Modellərin buraxılışına hələ demək olar ki, bir il qaldığını nəzərə alsaq, bu təəccüblü deyil.
Bizi Telegram kanalımızdan da izləyə bilərsiniz. https://t.me/infocity_az
