İnsayder Evan Blass, Edge 20 smartfonunun baza modeli üçün yaddaş konfiqurasiyalarının siyahısını, həmçinin cihazın gözlənilən təqdimat tarixini və rəng seçimlərini açıqladı.
Mənbənin verdiyi məlumata görə, 8 GB RAM və 128 GB yaddaş tutumu olan gadget üç rəngdə təqdim olunacaq: Frosted White, Electric Graphite və Lagoon Green. 8 GB RAM və 256 GB daxili yaddaşa sahib olan versiya yalnız Frosted Gray rəngdə olacaqdır.
12/256 GB yaddaş konfiqurasiyasına malik modelə gəlincə, Midnight Blue, Blue Vegan Leather və Iridescent White rənglərdə satışa çıxarılacaq.
Məlumata görə, yeni Motorola smartfonlar seriyası üç modeli əhatə edəcək: Edge 20, Edge 20 Lite və Edge 20 Pro və bütün cihazların təqdimatı bu ayın sonunda baş tutacaq. Cihazların qiyməti hələ məlum deyil.
Bizi Telegram kanalımızdan da izləyə bilərsiniz. https://t.me/infocity_az
