The Next Web yazır ki, Böyük Britaniya hökuməti müəllif hüquqlarını pozanlar barədə 10 illik azadlıqdan məhruetmə cəzasının tətbiqi üçün müvafiq səlahiyyətlərin verilməsi barədə parlamentə müraciət etmişdir.
Əgər tələb qəbul edilərsə, “şəbəkə quldurluğu” odlu silahdan istifadə, insan həyatını təhlükəyə atmaq məqsədi ilə zəhərdən istifadə kimi cinayətlərlə bir sırada yer alacaq. Hüquqi nöqteyi-nəzərdən Böyük Britaniyada hal-hazırda tətbiq edilən 2 illik məhkumluq cəzası müəllif hüquqlarının kütləvi şəkildə pozulmasının qarşısını almaq üçün kifayət etmir. Məhz buna görə “pirat” məzmununun təbliğatçıları və “pirat” resurslarının yaradıcılarını maksimum müddətə zindana məhkum etmək təklif edilib.
