MacRumors portalının məlumatına görə, iPhone XS smartfonunun satışdan çıxarılmasından artıq beş ildən çox vaxt keçib.
Rəsmi olaraq Apple, iPhone XS və XS Max modellərini 2019-cu ilin sonunda satışdan çıxarsa da, yalnız 2024-cü ildə XS Max modelini vintaj (köhnəlmiş) kimi tanıyıb. Bu, əsas XS modelinin bir müddət daha böyük pərakəndə satış şəbəkələrində satışda qalması ilə bağlı olub.
Maraqlıdır ki, “Home” (Ev) düyməsinə sahib olan son rəqəmli iPhone modelləri — iPhone 7 və iPhone 8 Plus — hələ də köhnəlmiş cihazlar siyahısına düşməyib və görünür ki, hələ “təqaüdə çıxmaq” istəmirlər.
