OnePlus smartfonlar üçün yeni xarici batareya təqdim edib. Slim Magnetic Power Bank modeli nazik korpusa malikdir və Qi2 standartına uyğun olaraq maqnitli simsiz şarjı dəstəkləyir.
Maraqlıdır ki, heç bir OnePlus smartfonu Qi2 standartına uyğun simsiz şarjı dəstəkləmir və onların heç birində bu cür powerbank və ya digər aksessuarları taxmaq üçün maqnit yoxdur. Bunun əvəzinə şirkət flaqman OnePlus 13-dən daxili maqnitləri olan xüsusi case istifadə etməyi tövsiyə edir. Buna görə də, OnePlus Slim Magnetic Power Bank cihazı iPhone 12-dən başlayaraq yalnız Apple smartfonları üçün dəstəyə malikdir.
Powerbank-ın ölçüləri 9,6 x 6,9 x 0,9 sm, çəkisi isə cəmi 120 qramdır. OnePlus bildirir ki, bu ölçülərə yüksək enerji sıxlığına sahib akkumulyator elementləri, N52M maqnitləri və alüminium ərintisindən hazırlanmış korpus sayəsində nail olunub.
Akkumulyatorun tutumu 5000 mAh təşkil edir. Simsiz əlaqə ilə şarj gücü Android smartfonlarına qoşulduqda 10 W, iPhone ilə isə 7,5 W-ı vurur. Həmçinin, yalnız bir USB-C portu mövcuddur, bu port vasitəsilə şarj gücü 10 W təşkil edir. Şarj səviyyəsini izləmək üçün dörd ədəd LED işıq göstəricisi var.
OnePlus Slim Magnetic Power Bank artıq 69,99 ABŞ dolları qiymətinə satışa çıxarılıb.
