Vertu şirkəti növbəti premium sinif yeniliyi təqdim etdi. Ənənəvi düyməli telefon kimi görünməsinə baxmayaraq, Signature S+ adı ilə təqdim olunan bu cihaz, kiçik toxunmatik ekrana malik Android smartfonudur. Premium materiallardan əlavə, cihaz süni intellekt köməkçisi funksiyası və peyk əlaqəsi dəstəyi ilə diqqət çəkir.
Vertu Signature S+ smartfonunun korpusu titan alaşımından hazırlanıb və bir neçə fərqli örtük variantında mövcuddur: cavan inəyi dərisi, alliqator dərisi və həmçinin qızıl dekorativ elementlərlə bəzədilmiş modifikasiyaları da var. Cihazın 1,98 düymlük toxunmatik IPS ekranı isə cızılmalardan qorunmaq üçün safir şüşə ilə örtülüb.
Vertu Signature S+ smartfonunun texniki platforması Snapdragon 6s Gen 1 prosessoru, 8 GB RAM, 256 GB daxili yaddaş və 3000 mAh batareya ilə təchiz olunub. Xüsusiyyətlər siyahısına GPS modulu, Beidou peyk əlaqəsi və neyron şəbəkə əsasında çalışan səsli köməkçi daxildir. İstehsalçının iddiasına görə, bu köməkçi 147-dən çox funksiyanı dəstəkləyir. Məsələn, smartfon həmsöhbətinin nitqini real vaxtda tərcümə edə bilir.
Süni intellekt köməkçisini çağırmaq üçün xüsusi düymə mövcuddur. Cihaz Android 14 əməliyyat sistemi ilə işləyir. Onun ölçüləri 130,6 x 42,2 x 13 mm, çəkisi isə versiyasına görə 167 ilə 221 qram arasında dəyişir. Qiymətlər aşağıdakılardır:
- Ağ polad, qara inəyi dərisi — 19,340 €
- Qara polad, qara inəyi dərisi — 20,840 €
- Ağ polad, qara alliqator dərisi — 22,360 €
- Qara polad, qara alliqator dərisi — 23,870 €
- Qara polad, qızıl, qara inəyi dərisi — 37,440 €
