Insider Digital Chat Station hələ təqdim edilməmiş flaqman OPPO Find X6 Pro-nun korpusu haqqında danışdı. Onun sözlərinə görə, smartfon standart şüşə arxa panelli versiyada və dəri ilə modifikasiyada təqdim olunacaq. Birincinin qalınlığı 9,3 mm, çəkisi isə müvafiq olaraq 220q, ikincinin isə qalınlığı 9,5 mm və 217q olacaq.
İnsayder həmçinin bildirib ki, smartfonun kamera bloku sahəsində qalınlığı 14 mm-ə çatacaq. Qalınlıqda belə nəzərə çarpan fərqin səbəbi 50 meqapiksellik Sony IMX989 əsas kamera modulu olacaq. Bundan əvvəl şəbəkədə smartfonun yanlarda əyilmiş 120 Hz-lik Samsung E6 displeyi və Qualcomm Snapdragon 8 Gen 2 prosessoru alacağı barədə məlumatlar peyda olmuşdu.
OPPO Find X6 Pro-nun buraxılışı 2023-cü ilin birinci rübündə gözlənilir.
Bizi Telegram kanalımızdan da izləyə bilərsiniz. https://t.me/infocity_az
