Redmi 10A-nın elanından cəmi bir neçə gün keçdi və smartfon artıq satışdadır.
Maraqlıdır ki, cihazın əsas versiyası (4 GB RAM və 64 GB daimi yaddaşla) cəmi 100 dollara başa gələcək. Bu xüsusiyyət yeniliyi ən ucuz Xiaomi smartfonu edir. Eyni zamanda, köhnə modellərin qiyməti o qədər də yüksək deyil — 4/128 GB versiyası 125 dollara və 6/128 GB versiyası isə 140 dollara.
Xatırladaq ki, Redmi 10A MediaTek-in Helio G25 çipi əsasında hazırlanıb. Eyni zamanda, cihaz HD+ təsvir ölçülü 6,53 düymlük IPS-displey, 13 meqapiksellik əsas kamera və 5 meqapiksellik ön kamera ilə təchiz edilib.
Smartfon 4-cü nəsil mobil şəbəkələri (LTE), həmçinin Bluetooth 5.0 bağlantısını və 512 GB-a qədər microSD kartları vasitəsilə yaddaşı genişləndirmək imkanını dəstəkləyir.
Redmi 10A-nın batareya tutumu 5000 mAh təşkil edir, ilkin olaraq cihaz MIUI 12.5 quraşdırılmış Android 11 əməliyyat sistemi ilə işləyir.
Bizi Telegram kanalımızdan da izləyə bilərsiniz. https://t.me/infocity_az
