Rəsmi olaraq RedmiBook 14 Enhanced Edition 6 sentyabr satışa çıxarılacaq. Xiaomi şirkətinin verdiyi məlumata görə artıq 1.5 milyon nəfər noutbuku sifariş edib.
RedmiBook 14 Enhanced Edition noutbuku Intel Core i7-10510U prosessoru, 8 GB əməliyyat yaddaşı (RAM) və 512 GB SSD ilə təchiz edilib. Noutbukun satış qiyməti 697 dollar təşkil edəcək. Bundan başqa, Xiaomi şirkəti noutbukun Intel Core i5-10210U prosessoru, 8 GB əməliyyat yaddaşı (RAM) və 256 GB SSD ilə olan versiyasını da təqdim edəcək. Bu versiyanın qiyməti 557 dollar olacağı gözlənilir. SSD 512 GB sifariş edilərsə qiymət 627 dollara qalxacaq.
