Steam platformasında ənənəvi payız endirimi başlayıb. Mövsümi kampaniya çərçivəsində həm bu il çıxan yeni oyunlara, həm də populyar klassik layihələrə böyük endirimlər təqdim olunur.
Payız kampaniyası Steam-dəki oyunların demək olar ki, hamısını əhatə edir. İstifadəçilər müxtəlif janrlarda çoxsaylı oyunları əvvəlkindən xeyli aşağı qiymətə əldə edə bilərlər. Endirim olunan oyunlar arasında həm yenicə satışa çıxan layihələr, həm də uzun müddətdir populyarlığını qoruyan oyunlar var.
Məsələn, Resident Evil Requiem 30%, 007 First Light 30%, Pragmata 20%, Death Stranding 2: On the Beach 20%, Gothic Remake 20% endirimlə satılır.
Daha böyük endirimlər isə Warhammer 40,000: Space Marine 2 üçün 75%, Hogwarts Legacy üçün 90%, Mortal Kombat 1 üçün 80%, Cyberpunk 2077 üçün 70% və Sekiro: Shadows Die Twice üçün 50% təşkil edir. Baldur’s Gate III isə 30% endirimlə təklif olunur.
Bundan əlavə, xal mağazasında da ənənəvi olaraq yeni tematik əşyalar peyda olub. İstifadəçilər onları Steam xalları hesabına əldə edə bilərlər.
Steam-in payız endirimi 8 oktyabr daxil olmaqla davam edəcək. Kampaniya Bakı vaxtı ilə 21:00-da başa çatacaq.
