DigiTimes nəşrinin məlumatına görə, Apple iPhone prosessoru ilə işləyən yeni MacBook modelini hazırlayır. Noutbukun ekran ölçüsü 12,9 düym olacaq ki, bu da 13,6 düymlük bazalı MacBook Air-dən kiçikdir.
İddialara əsasən, bu model həm qiymətinə, həm də kiçik ölçülərinə görə 2017-ci ilin MacBook 12 versiyasının ideoloji varisi olacaq. Yeni cihaz iPhone 16 Pro-da istifadə ediləcək A18 Pro çipi ilə işləyəcək. Bu prosessor Thunderbolt texnologiyasını dəstəkləmədiyi üçün USB-C portları nisbətən aşağı sürətli olacaq.
2017-ci ilin MacBook modeli də funksionallıq baxımından məhdud idi, lakin əlçatan qiymətinə görə müəyyən auditoriya tərəfindən seçilirdi.
Məlumata görə, iPhone çipi ilə MacBook-un yığımı 2025-ci ilin üçüncü rübündə başlayacaq, satışa çıxışı isə 2025-ci ilin sonu — 2026-cı ilin əvvəllərində gözlənilir.
