Etibarlı insayder Digital Chat Station paylaşdığı məlumata görə, Apple 2024-cü ilin payızında təqdim ediləcək iPhone 17 seriyası üçün Dynamic Island interfeysində nəzərəçarpacaq proqram yenilikləri hazırlayır. Lakin ekran dizaynında inqilabi dəyişikliklər gözləməyə dəyməz. Tam çərçivəsiz iPhone modeli isə, ehtimallara görə, yalnız onilliyin sonuna doğru işıq üzü görə bilər.
Hələlik Dynamic Island-da hansı konkret funksiyaların yenilənəcəyi açıqlanmayıb. Bildirilir ki, bu dəyişikliklər iOS 26 əməliyyat sisteminə daxil ediləcək və yalnız iPhone 17 modellərinə xas olacaq. Apple-ın məhsul nəsilləri arasında funksional fərqlilik siyasətini nəzərə alsaq, bu yeniliklərin iPhone 16 və daha əvvəlki modellərdə olmayacağı ehtimalı yüksəkdir.
Eyni zamanda, iPhone 17 seriyası daha nazik ekran çərçivələri ilə seçiləcək. Apple-ın yeni flaqmanlarının ümumi dizaynı da daha müasir və minimalist olacaq.
Yeni iPhone 17 modellərinin sentyabr ayında təqdim olunacağı gözlənilir. Yaxın həftələrdə daha dəqiq məlumatlar, rəsmi təsvirlər və texniki xüsusiyyətlər ortaya çıxacaq.
Apple, radikal dizayn dəyişikliklərini hələlik ertələsə də, iPhone 17 ilə vizual və proqram baxımından daha müasirləşdirilmiş bir təcrübə vəd edir.
