Apple, 2025–2026-cı illərin əvvəllərində iPhone 16 Pro-da istifadə olunacaq A18 Pro prosessoru əsasında qurulan 13 düymlük MacBook istehsalına başlayacaq. Bu haqda tanınmış sənaye analitiki Min-Çi Kuo məlumat verib. Onun sözlərinə görə, şirkət bu model vasitəsilə növbəti ildə 25 milyon noutbuk satışı hədəfləyir. Təkcə yeni modelin 5–7 milyon ədəd satılacağı proqnozlaşdırılır — bu, planın təxminən 20%-ni təşkil edir.
İlk baxışda bu qərar təəccüblü görünə bilər, çünki Apple hələ bir neçə il əvvəl öz çiplərinə keçid etmişdi. Amma A18 Pro çipi artıq tək nüvəli və çox nüvəli performans baxımından M1 səviyyəsinə çatıb — bu isə M1 istifadəçilərinin əksəriyyətini hələ də qane edir.
Bu xəbərlər 2017-ci ildəki 12 düymlük MacBook modelini xatırladır. O model mübahisəli, amma maraqlı idi. Yeni mobil çip sayəsində Apple həmin konsepsiyanı yenidən dirçəldə bilər.
Yeni MacBook-un MacBook Air M4-dən daha ucuz olması gözlənilir. Məlumat üçün, Air M4-un qiyməti $1000-dan başlayır. Apple Watch-un plastik versiyasında olduğu kimi, daha əlçatan qiymətli MacBook versiyasına tələbat böyükdür və bu model istifadəçilər tərəfindən müsbət qarşılanacaq.
