ZTE Red Magic Gaming Pad 3 Pro — kompakt ölçülü, güclü texniki göstəriciləri olan və oyunsevərlər üçün nəzərdə tutulmuş planşetdir. Qurğu 2400 × 1504 piksel təsvir ölçüsünə malik 9 düymlük, 165 Hz yenilənmə tezlikli ekranla təchiz olunub.
Ekran xüsusi xüsusi texnologiya ilə hazırlanıb ki, OLED panellərdə tez-tez rast gəlinən yaşıl piksel sıxlığından doğan görüntü bulanıqlığını minimuma endirsin.
Əsas texniki göstəricilər:
-
Snapdragon 8 Elite prosessoru
-
12/256 GB, 16/512 GB və 24 GB/1 TB yaddaş konfiqurasiyaları
-
10 toxunma nöqtəsini eyni anda tanıyan və dərhal reaksiya verən sensor ekran
-
13 MP əsas və 9 MP ön kamera
-
8200 mAh batareya və 80W sürətli şarj
Qurğunun dəqiq ölçüləri açıqlanmayıb, lakin qalınlığı cəmi 6.9 mm, çəkisi isə 370 qramdır. Planşet yalnız Çində satışdadır və qiyməti modeldən asılı olaraq 4000 yuandan (556 dollar) başlayaraq 5000 yuana (695 dollar) qədər yüksəlir.
