İlon Mask, özünün X sosial şəbəkəsində Grok adlı süni intellekt çat-botunun inkişafı ilə bağlı planlarını açıqlayıb. Onun sözlərinə görə, bu İA sistemi “bütün insan biliklərini” əhatə etməlidir. Eyni zamanda, Grok-un öyrədiləcəyi məlumat bazası rəqiblərindən əhəmiyyətli dərəcədə fərqlənəcək.
Milyarder bildirib ki, hələ təqdim olunmamış yeni Grok versiyası, insan biliklərini yenidən yazmalı, əskik məlumatları əlavə etməli və mövcud səhvləri aradan qaldırmalıdır. Mask deyib ki, bir çox süni intellekt modeli səhv və ya natamam məlumatlarla öyrədildiyi üçün onların cavabları informasiya tullantıları ilə doludur. Onun rəhbərlik etdiyi xAI komandası bunu yeni və daha dəqiq məlumat bazası ilə düzəltmək istəyir.
29 aprel tarixində İlon Mask artıq Grok 3.5 versiyasını anons etmişdi. Yeni versiyada İA-nın müstəqil düşünmə bacarığı olmalı idi — bu, ona təlim məlumatlarında olmayan orijinal cavablar yaratmağa imkan verəcəkdi. Lakin sistem tam hazır olmadığı üçün bu versiyanın çıxışı hələlik baş tutmayıb.
Bəşəriyyətin bütün biliklərinə sahib olan Grok-un çıxış tarixi hələ açıqlanmayıb.
