Çin şirkəti Unihertz, BlackBerry Passport-dan ilhamlanaraq hazırladığı Titan modelinin davamı olan Titan 2 smartfonunu təqdim edib. Yeni cihaz həm texniki göstəricilər, həm də proqram təminatı baxımından əhəmiyyətli yeniliklər alıb.
Onun əsas üstünlüklərindən biri iki ekranla təchiz olunmasıdır: ön tərəfdə 1440×1440 piksel çözünürlüklü 4,5 düymlük əsas ekran, arxa hissədə isə bildirişlərin, vidcetlərin və selfi çəkilişləri üçün vizör kimi istifadə edilən 2 düymlük əlavə ekran yerləşir.
Cihaz MediaTek Dimensity 7300 prosessoru, 12 GB əməli yaddaş və 512 GB daxili yaddaşla təchiz olunub. Avtonom işləmə üçün 5050 mAh tutumunda batareya və 33 vatt sürətli şarj texnologiyası təqdim olunur. Arxa kameralar bloku 50 meqapiksellik əsas və 8 meqapiksellik telefoto modullardan ibarətdir. Ön tərəfdə isə 32 MP-lik kamera yerləşir ki, bu da həm selfi, həm də videozənglər üçün nəzərdə tutulub.
Qurğunun qalınlığı 10,85 mm, çəkisi isə 235 qram təşkil edir. Titan 2 fiziki QWERTY klaviatura ilə təchiz olunub və bu klaviatura həm uzun, həm də qısa basışlar üçün fərdi klaviş funksiyalarını dəstəkləyir.
Smartfon Bluetooth 5.4, NFC, infraqırmızı port, iki diapazonlu GPS, FM radio, barmaq izi skaneri və yan tərəfdə yerləşən iki proqramlaşdırıla bilən əlavə düymə ilə dəstəklənir. Cihaz qutudan çıxan kimi Android 15 əməliyyat sistemi ilə işləyir.
Unihertz Titan 2-nin qiyməti 399 ABŞ dolları olaraq müəyyənləşdirilib və satışların 2025-ci ilin oktyabr ayında başlanması planlaşdırılır.
