HUAWEI, Pocket 2 qatlanan smartfonunun yeni – Premium Edition versiyasını rəsmən elan edib. Şirkət bu barədə Weibo sosial şəbəkəsində paylaşım edərək cihazın rəng variantlarını, satış tarixini və qiymətini açıqlayıb.
Təqdim olunan görüntülərə əsasən, Premium Edition dizayn baxımından orijinal modeldən fərqlənmir. Yeni versiya qara, bənövşəyi, ağ və boz (mərmər naxışlı korpusla) rənglərdə satışa çıxacaq.
Hazırda texniki göstəricilər rəsmi olaraq elan edilməyib. Amma əvvəlki məlumatlarda bildirilirdi ki, cihaz 35% daha yüksək məhsuldarlığa malik yeni Kirin 9020A prosessoru ilə təchiz oluna bilər. 
Qiymət və satış tarixi
-
Təqdimat tarixi: 26 iyun,
-
12 GB RAM + 256 GB yaddaş versiyası — təxminən $765,
-
12 GB RAM + 512 GB yaddaş konfiqurasiyası — təxminən $835 (yalnız Çin bazarı üçün qiymətlər).
