Huawei rəsmi olaraq 11 iyun tarixində Çində keçiriləcək təqdimat tədbirində dörd yeni smartfon modelini — Pura 80, Pura 80 Pro, Pura 80 Pro+ və Pura 80 Ultra — nümayiş etdirəcəyini elan edib. Bundan əlavə, şirkət yeni nəsil ağıllı saatı — Huawei Watch 5 modelini də təqdim edəcək.
Əvvəlki Pura 70 seriyası çox yönlü kamera sistemi ilə diqqət çəkmişdi. Lakin yayılan məlumata görə, Pura 80 seriyasında kameralarda əsaslı dəyişikliklər gözlənilmir.
Ən yüksək model olan Pura 80 Ultra aşağıdakı kamera xüsusiyyətlərinə malik olacaq:
-
Əsas kamera: 1 düym ölçülü 50 MP sensor, dəyişkən diyafram açıqlığı ilə.
-
Teleobyektiv: 50 MP periskop kamera, 1/1.3 düym sensor və ikili fokus məsafəsi ilə — bu linza sinfində ən irilərdən biridir.
-
Üçüncü kamera: 40 MP ultra-geniş bucaqlı obyektiv.
-
Rəng temperatur sensoru: 2 MP (bu, Pura 70 Ultra modelindəki 1.6 MP sensorla müqayisədə yüngül təkmilləşmədir).
Bu göstəricilər Pura 70 Ultra ilə demək olar ki, eynidir, yəni Huawei kameralarda böyük dəyişiklər olmayacaq.
Bütün dörd model Huawei-nin öz istehsalı olan Kirin 9020 prosessoru ilə təchiz olunacaq və HarmonyOS 5 əməliyyat sistemi ilə çalışacaq. HarmonyOS, Huawei-nin Android-ə alternativ olaraq hazırladığı sistemdir.
Huawei rəsmi olaraq Pura 80 seriyası barədə susqunluq nümayiş etdirsə də, bir neçə gün əvvəl şirkət rəhbərlərindən biri yeni telefonu ictimai tədbirdə istifadə edərkən görüntülənib. Bu hadisə MAEXTRO S800 adlı ağıllı avtomobilin təqdimatında baş verib və bununla Pura 80-in dizaynı vaxtından əvvəl üzə çıxıb.
Gözlənilir ki, Pura 80 seriyası Çin bazarında 11 iyun tarixində təqdim olunacaq, lakin rəsmi satışlar iyul ayında başlayacaq.
