Honor şirkəti, rəsmi təqdimatına bir həftə qalmış, qatlana bilən yeni Magic V5 modelinin dizayn görüntülərini yayımlayıb. Şirkət həmçinin təsdiqləyib ki, bu model öz sinfində ən nazik qatlanan smartfon olacaq.
Yayımlanan rəsmi rənderdə ilk dəfə olaraq kamera blokunun dizaynı nümayiş olunub. Gözlənildiyi kimi, kamera hissəsi korpusdan xeyli çıxıntılıdır. Blokda üç kamera yerləşir, onlardan biri periskop quruluşlu teleobyektiv və 200 MP-lik əsas sensor ilə təchiz olunub.
Honor şirkəti həmçinin təsdiq edib ki, Magic V5-in qatlanmış vəziyyətdə qalınlığı (kamera çıxıntısı istisna olmaqla) cəmi 8.8 mm-dir. Bu göstərici onu dünyanın ən nazik qatlanan smartfonu edir. İndiyədək bu titul OPPO Find N5-ə məxsus idi — 8.9 mm.
Texniki xüsusiyyətlər (sızan məlumatlara əsasən) bunlardır:
-
8 düymlük daxili və 6.45 düymlük xarici ekran,
-
Gücləndirilmiş versiyada Snapdragon 8 Elite flaqman prosessor,
-
6100 mAh batareya,
-
66 vatt sürətli şarj dəstəyi.
Bundan əlavə, Android Authority nəşrinin əməkdaşı smartfonun real fotosunu da yayımlayıb.
Honor Magic V5-in təqdimatı 2 iyulda keçiriləcək.
