İctimai çıxışında İlon Mask, şirkəti Neuralink-in cari ilin sonuna qədər tamamilə kor bir insanın görmə qabiliyyətini bərpa etmək üçün ilk əməliyyatı həyata keçirməyi planlaşdırdığını açıqlayıb. Bunun üçün neyron şəbəkə implantasiyasından istifadə ediləcək.
Neuralink-də artıq BlindSight adlı bir implant var ki, bu da meymunlar üzərində uğurla test edilib — cihaz yaxşı işləyir və heyvanlara zərər vermir. «Ümid edirik ki, yaxın zamanda tamamilə kor bir insanın yenidən görməsini təmin edəcək ilk əməliyyatı həyata keçirəcəyik. Başlanğıcda görüntü keyfiyyəti aşağı olacaq, təxminən köhnə Atari oyunlarının qrafikası kimi, amma zamanla biz insanlardan daha yüksək səviyyəli görmə qabiliyyəti əldə edə biləcəyik», – deyə İlon Mask bildirib.
BlindSight haqqında ətraflı məlumat hələlik sirr saxlanılır. Eyni zamanda, Neuralink-in beyin çipini artıq üç pasiyent istifadə edir və 2025-ci il ərzində şirkət bu sayını 20-30-a çatdırmağı planlaşdırır. Bu implant, iflic olmuş insanlara düşüncə ilə mesaj yazmaq, internetdə işləmək, video oyunlar oynamaq və robotları idarə etmək imkanı verir.
Mask həmçinin qeyd edib ki, iyun ayında Ostində sürücüsüz tam avtomatik idarəetmə texnologiyasını işə salmağı planlaşdırırlar, yəni avtomobilin sürücüsüz hərəkət etməsi mümkün olacaq.
